Visitando o meu taller

                    Visitando o meu taller  

Queridos lectores do blog creo que me daredes a razón en que xa eran horas de ensinarvos o meu taller e en que consiste a actividade. Pois… Benvidos!

Hoxe presentaba ser un día como calquera outro, coa mesma rutina de traballo, pero rematou sendo un día especial cando recibín a visita de Israel Eliaz, o autor destas fotografías. Este fotógrafo interesouse pola miña actividade desde o momento en que tivo coñecemento do traballo que estaba a desenvolver. Por certo, quero agradecerrlle o magnífico traballo que elaborou, o cal tamén espero que vos guste!

  

Vamos a recorrer entre todos un anaquiño do obradoiro… Como podedes ver teño bastante material, entre fíos debuxos, carpetas, tesouras, varios tipos de colas… tiven que encargar uns estantes para almacenar todo o material. Dito así parece un xogo de nenos pero a realidade é que se necesitan moitos pequenos detalles para chegar o acabado de cada obra e, sobre todo, fai falla moita paciencia.

Unha vez que está todo o material riba da mesa, procedo a confeción do diseño en sí.   Primeiramente, trátase de aplicar cola e perfilar e a continuación, tal como podedes observar nas fotos, hai que rechealo cos fíos. E neste intre onde comeza o verdadeiro Xogo de Fíos: habilidade e destreza manual, creatividade, orixinalidade, paciencia e empeño por levar adiante este proxecto son algunas das cualidades máis destacables deste traballo.

Nun principio para min este obradoiro era como un xogo pero de fíos. Sen embargo, pouco a pouco estase a converter nunha actividade profesional de carácter artesanal, da cal espero obter un recoñecemento e una imaxe dentro deste sector.

Por último, finalizando xa a visita… direivos que o resultado deste proceso, que dura varios días, é calquera das creacións que vos estou mostrando ó longo destes meses. Por suposto, como son personalizadas cada un de vós debería elixir un diseño distinto para cada caso.

Espero que disfrutarades deste percorrido e en caso de qie, como Israel, teñades verdadeira curiosidade por coñecer o taller e ver en primeira persoa o meu traballo, non dubidedes en poñervos en contacto conmigo. Estades todos/as convidados/as! 

De visita en Chantada

                    De visita en Chantada

A comezos deste mes xa vos dixen que ata o vindeiro 3 de marzo a exposición de Galicia en fíos estará na Casa da Xuventude de Chantada. Para min é todo una honra que estes organismos se interesen pola miña obra, supón una valoración, un merecido recoñecemento ó esforzó que diariamente levo a cabo para que este proxecto avance e sexa coñecido por toda Galicia. 

Marina e Libia, dúas trablladoras da Casa da Xuventude, foron as encargadas de presentar a exposición que, como podedes ver nas fotos, fixeron un traballo realmente exquisito. Por suposto, quedara con Marina en acercarme un día a Chantada para ir visitar a exposición, asique hoxe aquí estou!!

Fun con meus país que como sempre, eles son os meus principais seguidores. Tivemos un moi gratificante recibimento por parte das anfitrionas e, sobre todo, no tempo que se prolongou a visita dinme conta de que hai una boa acollida por parte do público.

Non quero ser demasiado pesada coa escritura, asique só decirvos que disfrutedes das fotos e si podedes achegaivos nun momento a Casa da Xuventude. Finalmente, darvos as gracias Marina e Libia!

 

A ponte do Milenio en fíos

             A  ponte do Milenio en fíos

Como non podía ser doutra maneira non me podía esquecer do símbolo máis vanguardista da miña cidade, por iso hoxe vos mostro a reproducción en fíos.

Foi inagurado no ano 2001 para comemorar o inicio do novo milenio, supon toda una obra de inxeñería moderna. Tamén conta cun mirador, o que se accede a través de 100 escalóns. A subida merece a pena xa que desde o alto podemos disfrutar dunhas magníficas vistas da cidade e das marxes do río Miño.

Quizáis para os que vivimos en Ourense, non lle damos a importancia que se merece xa que é una costume pasar pola ponte de a miúdo, pero para os turistas que visitan a cidade supón outro símbolo que admirar tal como as Burgas ou as Termas. Deste xeito, animeime a facelo en fíos para presentalo nas exposicións e que a xente  de toda Galicia coñeza a nosa Ponte.