Ourense

                              Ourense  

Este cadro ten un significado moi especial para min xa que Ourense é a miña terra… é a miña cidade. Tamén coñecida como a capital termal de Galicia debido a multitude e manantiais extendidos por toda a provincia; din das súas augas que teñen propiedades curativas e medicinais, sobre todo, para problemas óseos e de pel.  

Invítovos agora a dar un paseo pola antiga Auria… Coñecida con este nome polos romanos xa que era una antiga mina de ouro. Os romanos asentáronse xunto As Burgas e a Plaza Maior,  e construiron a Ponte Romana. Era una infraestructura estratéxica situada nunha encrucillada de camiños que lles permitía acceder a ambas ribeiras do Miño. Actualmente oito pontes cruzan o río na cidade, pero a Romana segue conservando o esplendor e a elegancia de antaño. Eu consideroa xunto cas Burgas o sinal identificativo da cidade, de ahí que intentara plasmar no cadro a bonita paisaxe que se ve desde a Ponte, tendo tamén presente o gran protagonismo do Miño.

Neste caso enviolle as miñas felicitacións a Isabel Rejo que a partir dunha foto realizou o diseño a man alzada e a continuación eu elaborei o  cadro cos fíos.

Coñecede Ourense… o seu pasado milenario romano, o laberinto de rúas estreitas e empedregadas do periodo medieval, a súa catedral de estilo románico e gótico e, por suposto, non esquezamos o Ourense modernista e contemporáneo.